بحرمت سید المرسلین من الالم
فخرم بس است ایں کہ کمینه و سنگ توام
۳۰ ذو الحجہ ۱۳۱۵ھ — بمطابق ۲۹ مئی ۱۹۹۵ء
مکرمی و محترمی مخدومی جناب حضرت لودھی صاحب دامت برکاتہم اسلام و علیکم ورحمتہ اللہ و برکاتہ
خریت مطلوب خریت موجود بحرمت سید المرسلین صلی اللہ علیہ وسلم
جناب کا مرسلہ محبت نامہ حقیر کے نام آج ہی موصول ہوا ہے، موسم حج کی وجہ سے ڈاک تاخیر سے ملی ہے۔ بندہ اپنے آپ
کو ہرگز اس قابل نہیں سمجھتا کہ مرسلہ کتاب کے مندرجات کے متعلق کچھ اپنے تاثرات تحریر کروں، کسی قسم کا ہرگز
دعوٰی نہیں ہے، اپنے آپ کو جاہل مطلق خیال کرتا ہوں، لیکن اس بات پر فخر ہے کہ:
بقول حضرت امیر خسرو:
محرم بس است این کہ کمینه د سنگ توام
تازان به آن زمان کہ این لعظم خریده ای
مجھے اپنی پستی کی شرم ہے، تیری رفعتوں کا خیال ہے
مگر اپنے دل کو کیا کروں، اسے پھر بھی شوق وصال ہے
فرمایا حضور اکرم نور مجسم ﷺ نے کہ میں عرب و عجم میں سب سے زیادہ بہتر کلام کرنے والا ہوں لیکن مجھ سے اپنے رب
کی تعریف نہیں ہو سکی۔ اور قرآن حکیم سے ثابت ہے کہ اگر درخت قلم بنا دیئے جائیں اور سارے سمندر روشنائی بنا دیئے
جائیں تب بھی اللہ تعالیٰ کی تعریف بیان نہیں کی جا سکتی۔ اسی طرح نبی اکرم ﷺ کی تعریف بھی نہیں کی جا سکتی،
کیونکہ جس طرح اللہ تعالیٰ کی ذات رب العالمین ہے، اسی طرح نبی اکرم ﷺ کی ذات رحمت العالمین ہے۔ یہ دوسری بات ہے
کہ ہر بندہ اپنے آقا و مولا کے بارے میں اپنے علم اور واقفیت کے تحت اظہار خیال کرے اور حسب تعلق اور اخلاص، ثواب
و قرب کا امیدوار رہے۔
حدیث شریف میں ہے کہ جب بندہ مجھے تنہا یاد کرتا ہے تو میں اسے تنہا یاد کرتا ہوں، اور جب لوگوں میں میرا ذکر
کرتا ہے تو میں فرشتوں میں اس کا ذکر کرتا ہوں۔ اس لیے نشر و اشاعت میں نبی اکرم ﷺ کی توصیف و تعریف بیان کرنا
حقیقتاً مشکل کام ہے۔ اور بقول شاعر:
اس قدر ہم نے تیرا ذکر کیا
قابل ذکر ہو گئے ہم بھی
اللہ تعالیٰ کا بڑا فضل و انعام ہے کہ امتی اپنے محبوب مکرم ﷺ کے بارے میں نذرانہ پیش کریں۔ یہ بلند و بالا رتبہ
ملا جس کو مل گیا۔
محترم المقام جناب نبی احمد خان لودھی صاحب نے متقدمین و متاخرین عشاقِ نبی کریم ﷺ کے زریں خیالات سے کتاب مرتب
کی ہے جو مردہ دلوں میں زندگی کی لہر دوڑانے اور عشق و محبت کی چنگاری کو شعلہ کی شکل دینے کے لیے ہے۔ اس گراں قدر
کتاب کی سب سے بڑی خوبی یہ ہے کہ بڑی خوبصورتی کے ساتھ اردو کا جامہ پہنایا گیا ہے، اور اردو کے اس ناشناس دور میں
یہ بہت ضروری تھا۔ اس اعتبار سے یہ کتاب نور علیٰ نور بن گئی ہے۔
حقیر کی دعا ہے کہ رب کریم جناب لودھی صاحب کی کوشش کو شرفِ قبولیت بخشے اور قارئین کے دلوں میں شمعِ محبت کو
روشن فرمائے۔
آمین ثم آمین
سگِ یکی از مگانِ طیبہ
ڈاکٹر جمال الدین — عفی عنہ
تأثرات: از قلم سید ضمیر جعفری
جناب نبی احمد صاحب نے چند روز قبل جب اپنی کتاب ختم الرسل کا ایک نسخہ عطا فرمایا تو جہاں دل و نگاہ کو
روشن کرنے والی اس روحانی سوغات کو دیکھ کر خوشی ہوئی کہ حضور نبی کریم ﷺ کی حیات مبارکہ کے تذکار سے زیادہ
خوبصورت اور دلوں کو آسودگی دینے والا تذکرہ اور کوئی نہیں، وہاں ہمیں کوئی حیرت بھی نہ ہوئی کیونکہ ان سے ایسی ہی
کتاب کی توقع تھی۔
مصنف کا تعارف
جناب نبی احمد لودھی سے ہماری نیاز مندی کا عرصہ چالیس برس سے زیادہ مدت پر محیط ہے۔ اب ان کی داڑھی پوری طرح
سفید ہے، مگر جب یہ پوری سیاہ تھی تب بھی دین حق اور ہادی برحق سے تمسک اور عشق کا جذبہ ان کی ذات میں اوائل عمر
میں خصوصیت کے ساتھ نمایاں تھا۔
اسلامیہ کالج لاہور میں ان کے ہم سبق، معروف سماجی کارکن صحافی ادیب اور دانشور جناب بیدار ملک کا کہنا ہے کہ
اگرچہ اسلامیہ کالج لاہور اپنے مزاج اور ماحول سے اچھا خاصہ مسلمان ادارہ تھا، مگر نبی احمد لودھی اس کے مزید
اسلامی تشخص کے لیے آواز اٹھاتے رہے۔ طبیعت ہندوستان کے لودھی تاجداروں کی طرح جلالی تھی، کبھی آواز اٹھاتے ہوئے
ڈانگ بھی اٹھا لیتے۔
ایسوسی ایشن کا واقعہ
بعد میں جمہوریت پسندی اور حق گوئی کے حوالے سے ان کی طبیعت کے جلال کا مظاہرہ ہم نے اسلام آباد میں اسلامیہ کالج
لاہور کے طلبائے قدیم کی ایسوسی ایشن کے سلسلے میں بچشم خود دیکھا۔ جناب سید اجلال حیدر زیدی ایسوسی ایشن کے صدر
تھے اور راقم الحروف جنرل سیکرٹری۔
ایک اجلاس میں ہم ایک وزیر کو سہواً — ایک حالتِ اضطراری میں جو وزیروں کو دیکھ کر ہم پر طاری ہو جاتی ہے —
نشستوں کی ترتیب میں جناب نسیم حجازی پر ترجیح دے بیٹھے۔ لودھی صاحب اس پر بگڑ گئے کہ یہ نہ صرف اسلامیہ کالج کی
سماجی روایات کے برخلاف تھا، بلکہ اس سے اسلامی مساوات کی روح کو بھی اذیت پہنچی تھی۔
ایسوسی ایشن کو ہم کچھ کچھ جنرل ضیاء الحق کے غیر جماعتی نظام کی طرز پر چلا رہے تھے جو لودھی صاحب کو پسند نہ
تھا، جبکہ ممبروں کا ایک محدود گروہ پوری بے ملاوٹ "جمہوریت" پر اصرار کرتا تھا۔ لودھی صاحب بھی اس حزبِ اختلاف کے
قائد تھے۔ معلوم ہوا کہ اگر الیکشن کی نوبت آئی تو صدارت کی سیٹ کے لیے لودھی صاحب سید اجلال حیدر زیدی کا مقابلہ
کریں گے۔
یہاں اس بات کی نشاندہی بے محل نہ ہوگی کہ زیدی صاحب اس وقت کے اسٹیبلیشمنٹ سیکرٹری تھے اور لودھی صاحب گریڈ
اٹھارہ کے افسر۔ وہ تو یہ کہیے کہ سید اجلال حیدر زیدی ایک عرصہ سے اپنی سبکدوشی پر اصرار کر رہے تھے اور انہوں نے
ایک صدارتی آرڈینس کے ذریعے — جس طرح آج کل صدر پاکستان نافذ کر رہے ہیں — راقم الحروف کو اپنا جانشین نامزد کر
دیا، اور یوں ایسوسی ایشن کا یہ معرکہ پانی پت ہوتے ہوتے ٹل گیا۔ مزے کی بات یہ کہ جب انتخابات ہوئے تو لودھی صاحب
میدان میں نہ اترے۔ ان کی طرف سے پیغام ملا کہ میں تو اصولی بات کر رہا تھا، میں اپنے لیے کسی منصب کا خواہش مند
نہیں ہوں۔
شخصیت کا خاکہ
جناب نبی احمد لودھی سے جب ہماری ملاقات ہوئی تو ہم واقعی حیران رہ گئے۔ پاکستان میں اسلامی وضع والے سرکاری
ملازمین، بالخصوص افسر، داڑھی والے افسر اب نظر آنے لگ گئے تھے، مگر ایسے افسر خال خال ہی تھے جو سر سے پاؤں تک
پاکستانی تمدن میں رنگے ہوئے مسلمان ہوں۔ سرسید احمد خان جیسی سفید نورانی داڑھی بھی ہم نے کسی ڈپٹی سیکرٹری کے
چہرے پر پہلی مرتبہ دیکھی۔ پہلی نظر میں یوں لگا جیسے وہ فیڈرل پبلک سروس کمیشن سے منظور شدہ نہ ہوں، علامہ سید
سلیمان ندوی کے نامزد کردہ ہوں۔
بعد میں ان کی دفتری کارکردگی کے بارے میں بھی یہ تأثر عام پایا کہ ملک میں نظامِ مصطفیٰ نافذ ہو یا نہ ہو، لودھی
صاحب نے اپنے دفتر میں یہ نظامِ مصطفیٰ نافذ کر رکھا ہے۔ وہ اس ٹکسال سے ڈھلے ہی نہیں تھے جس سے ایک روایتی
بیوروکریٹ ڈھالا جاتا ہے۔ لودھی صاحب کو طرزِ حکومت سے اتنی دلچسپی نہ تھی جتنی دلچسپی طرزِ حیات میں تھی۔ بہت کم
سرکاری افسر ہوں گے ان جیسے — سرکاری امور باوضو حالت میں نمٹانے والے۔ میں ان ہلکی پھلکی باتوں کے لیے معذرت خواہ
ہوں، مگر خیال کرتا ہوں کہ حضور نبی کریم ﷺ کی سیرت طیبہ پر کسی ایسے ہی شخص کو قلم اٹھانے کا حق پہنچتا تھا۔ اور
آیئے اس خوشبو سے بھی مشامِ قلب و جان کو تازہ کر لیں جس کی بارگاہ میں لودھی صاحب یہ سوغات لے کر آئے ہیں۔
کتاب کا تعارف
ختم الرسل — جیسا کہ کتاب کے نام سے ظاہر ہے — حضور نبی اکرم ﷺ کے سوانح و سیرت کے تذکارِ مبارک پر
مشتمل ہے۔ حضور نبی اکرم ﷺ کی ذاتِ گرامی سے محبت ہم مسلمانوں کا جزوِ ایمان ہے، اور انسان کی انفرادی اور اجتماعی
زندگی کی ہدایت و رہنمائی، طمانیت اور معنویت کے لیے اس عظیم ترین محسنِ انسانیت کی سیرتِ پاک سے زیادہ کامل اور
مؤثر وسیلہ اور کوئی نہیں۔
میں سمجھتا ہوں کہ مسلمان اگر آج بھی دنیا میں اپنی ایک الگ شناخت کے ساتھ زندہ ہیں تو اس کی بڑی وجہ یہ سعادتِ
عظمیٰ ہے کہ مسلمانوں نے سرورِ کائنات ﷺ کا ذکرِ مبارک ہر زمانے میں، ہر حال اور ہر رنگ میں بلند رکھا ہوا ہے۔
ہمارے خیال، ہمارے خواب، ہمارے لفظ اور ہماری سانسیں اس اسم کی خوشبو سے مہکتی رہتی ہیں کہ بقول مولانا ظفر علی
خان:
ہم جس میں بس رہے ہیں وہ دنیا تمہیں تو ہو
حضور کی سیرت طیبہ پر بہت کچھ لکھا گیا اور:
لکھی جائیں گی کتابِ دل کی تفسیریں بہت
کہ دنیا میں طلوع ہونے والے ہر دن کو اسی روشنی کی ضرورت ہے، اور دنیا میں پیدا ہونے والا ہر انسان صرف اسی روشنی
میں شرفِ انسانی کا راستہ پا سکتا ہے۔ سو جناب نبی احمد لودھی نے اس کتاب کی تالیف و اشاعت سے زندگی کے راستے پر
ایک اور چراغ روشن کیا ہے۔
کتاب کی خصوصیات
تالیف کی تلاش اور پیش کش کے اسلوب کے حوالے سے یہ بات خصوصیت کے ساتھ قابل ذکر ہے کہ جناب نبی احمد لودھی نے
حضور کی سیرت طیبہ کے مختلف گوشوں کو الگ الگ ابواب میں منضبط کیا ہے۔ اس میں سوانح حیات بھی ہیں اور حضور کی ذاتِ
گرامی کی نسبت سے ذہنِ انسانی کو منور کرنے والے ایسے مضامین کا ایک خزانہ بھی شامل ہے جو اس موضوع پر منتخب علماء
و فضلاء لکھتے رہے ہیں۔ علاوہ ازیں روح پرور نعتوں کا ایک گلدستہ بھی ان اوراق میں سجا دیا گیا ہے۔
مگر جس چیز نے اس پیشکش کو لطف و صحت کے پہلو بہ پہلو تحقیق اور اوریافت کا ایک کارنامہ بنا دیا ہے وہ کتاب کے وہ
ابواب ہیں جن میں حضور نبی اکرم ﷺ کے بارے میں دنیا کے عظیم غیر مسلم دانشوروں، فلسفیوں اور وقت کے دھارے کو متاثر
کرنے والے اربابِ سیف و قلم کے تأثرات یکجا کر دیئے گئے ہیں۔ یہ آبدار موتی دنیا بھر کے لٹریچر میں بکھرے پڑے تھے
جن کو چننے کے لیے لودھی صاحب نے نہ جانے کتنی کتابوں، دستاویزوں اور جرائد کی ورق گردانی کی ہوگی۔ یہ سمندر کو
ایک کوزے میں بند کرنے کا عمل تھا۔
اختتامی کلمات
اس پاکیزہ دستاویز میں وجدانی اور روحانی کیفیات کا ایک مسلسل دریا موج زن ہے۔ کوائف کی سبیل سے ۸۶۴ صفحات پر
محیط یہ کتاب طباعت کی اتنی خوبصورتیوں کے ساتھ آراستہ کی گئی ہے کہ لودھی صاحب نے اپنی عمر کی پونجی اس پر نچھاور
کر دی ہے۔ یہ کہنا غلط نہیں کہ یہ کتاب ان کی زندگی بھر کی محنت، مسافت اور ان کی پہلی اور آخری محبت کا ثمرہ ہے،
اور یہ کہ ایسا فقید المثال کارنامہ "اُدھر" کی تائید کے بغیر سر انجام نہیں پا سکتا۔
میں اس عظیم سعادت کے لیے جناب نبی احمد لودھی اور فانوس پبلیکیشن راولپنڈی (صدر) کو دلی مبارک باد پیش کرتا ہوں۔
 png.png)